Тавсия қиламиз

Рамазон хайр-саховат ойидир.

Мақолалар access_time1-июнь 2017, 23:31

Пайғамбаримиз (соллаллоҳу алайҳи ва саллам) бу ойда бошқа ойларга қараганда…

УЙҚУДАН ОЛДИН ЎҚИЛАДИГАН СУРАЛАР

Мақолалар access_time21-ноябрь 2018, 18:55

Инсон ҳаётида уйқунинг ўрни беқиёс. Кун бўйи ишлаб чарчаган тана аъзолари…

Динимиздаги ибодатларнинг аксарияти жамоат бўлиб адо қилиниши

Мақолалар access_time5-феврал 2019, 11:34

Динимиздаги ибодатларини ўрганиб чиқсак, аксарияти жамоат бўлиб адо қилинади.…

МУДРИК ВА МАСБУҚ

access_time13-март 2021, 16:51 visibility1244

– Имомга аввалги ракатда эргашган (иқтидо қилган) киши нима дейилади?

– «Мудрик» дейилади.

– Имомга аввалги ракатда эргашолмай, сўнгги ракатларда эргашган киши нима дейилади?

 – «Масбуқ» дейилади.

– Ракатнинг қайси ерига етиб эргашган бўлса ўша ракат топганга ҳисоб қилинади?

– Рукуъга етиб эргашса, ўша ракат ҳам ҳисобга ўтади.

– Биринчи ракатнинг рукуъсига етиб эргашса, мудрик бўладими ёки масбуқ бўладими?

– Мудрик бўлади.

– Aгар бир киши тўрт ракатли намознинг охиридаги тўртинчи ракатни топса, имомдан кейин неча ракат қазо қилади?

– Уч ракат қазо қилади. Қолган уч ракат намоздан бир ракат ўқиб, қаъдага ўтириб ташаҳҳуд айтиб, ташаҳҳуддан кейин яна қиёмга туриб, икки ракат ўқиб тамом қилади.

– Шу уч ракатнинг қайсиларида Фотиҳа сурасидан сўнг сура қўшилади?

– Ўша уч ракатнинг аввалги икки ракатида зам сура қилади, сўнггидаги бир ракатда зам сура қилмайди.

– Бир киши охирги ракатнинг рукуъсига етишмаса, имомга эргашадими ёки йўқми?

– Aлбатта, имомга эргашади. Хоҳ охирги саждаси бўлсин, хоҳ қаъдасида бўлсин, тезлик билан имомга эргашиб, жамоат савобини топишга ҳаракат қилиши лозим.

– Бундай ҳолда у одам имомдан кейин неча ракат қазо ўқийди?

– Неча ракатли намоз бўлса, шунча ракатни ёлғиз намоз ўқиган кишидек қазо қилиб ўқийди.

– Шом намозига ўхшаш уч ракатли намознинг охирги ракатини топса, имомдан сўнгра неча ракатни қазо қилиб ўқийди?

– Икки ракатни.

– Шу икки ракатнинг аввалги ракатида саждадан кейин қаъда қиладими ёки қиёмга турадими?

– Қаъдага ўтириб ташаҳҳуд ўқиб, кейин қиёмга туради ва охирги ракатни ўқиб, намозни тамом қилади.

– Бир киши икки ракатли намознинг аввалги ракатига улгурмаса, балки имом сажда қилган вақтда етишса, нима қилади?

– Тезлик билан имомга эргашади ва имом қайси амални қилса, у ҳам ўша амални қила бошлайди. Масалан, сажда қилган замонда етишса, тезлик билан сажда қила бошлайди.

– Шу киши мудрик бўладими, масбуқ бўладими?

– Мудрик бўлмайди, масбуқ бўлади.

Энди у киши қолган бир ракатни нима қилади?

– Имом охирги қаъдага ўтирганда у киши ҳам ўтиради. «Aт-таҳийят»ни ўқиб, аммо саловот ва дуони ўқимасдан сукут сақлаб, имом салом бергунича қараб туради. Имом салом берганидан сўнгра туриб қолган бир ракатни ўқийди.

МАВЗУГА ОИД БОШҚА САВОЛЛАР