БАЛИҚҚА ТИЛ БЕРИЛМАГАНИНИНГ ҲИКМАТИ

Савол: Аллоҳ таоло ҳар бир ҳайвонга тил ато этган, лекин балиққа тил бермаган, бунинг ҳикмати нима?
Жавоб: Чунки Аллоҳ таоло Одам алайҳиссаломни яратиб, фаришталарни унга сажда қилишга буюрганида, барча фаришталар сажда қилганлар, фақат Иблис сажда қилмаган. Шунда Аллоҳ таоло уни жаннатдан чиқариб ерга туширган. У денгизларга келган ва биринчи бўлиб балиққа дуч келган. Иблис балиққа Одам яратилганини хабар бериб: «У қуруқликдаги ва сувдаги жонзотларни овлайди», деган. Бу хабарни эшитган балиқ атрофдагиларга Одам яратилганини айтиб: «Энди бизга омонлик йўқ экан», дея бошлаган. Шунда Аллоҳ таоло унинг тилини йўқ қилган. «Ҳаммодия»нинг «Ов» бобида «Зоҳирия»дан шундай нақл қилинган.

"Нодир фатволар"дан.