Тавсия қиламиз

Ризқ Аллоҳдан (ИБРАТЛИ ҲИКОЯ)

Мақолалар access_time16-май, 05:17

Ҳотамул Асом буюк солиҳлардан эди.  Бир куни қалби ҳаж қилишни истади,…

Rasululloh (sollallohu alayhi vasallam)ning hayotlaridagi og`ir damlaridan biri

Мақолалар access_time30-ноябрь 2017, 10:17

Rasululloh (sollallohu alayhi vasallam)ning hayotlaridagi og`ir damlaridan…

УСТОЗ САЙЙИД РАҲМАТУЛЛОҲ ТЕРМИЗИЙ ҲАФИЗАҲУЛЛОҲУ СЕРГЕЛИ ТУМАНИДАГИ «МАЪРУФ ОТА» ЖОМЕ МАСЖИДИГA ТАШРИФ БУЮРДИЛАР

Янгиликлар access_time7-май, 03:41

Қалбларга чексиз сурур бахш этгувчи муққаддас Рамазон ойи кўнгилларга ажиб…

ЖУМАНИНГ ФАРЗЛИГИ ҲАҚИДА

access_time26-июль, 18:23 visibility401

Аллоҳ жалла шаънуҳу Жумуъа сурасида:
 "Эй иймон келтирганлар! Жума кунидаги намозга чорланган пайтда Аллоҳнинг зикрига шошилинг ва савдони қўйинг. Агар билсангиз, ана шу ўзингиз учун яхшидир", деган (9-оят).
 Ушбу ояти карима жума намозининг фарзлигини баён қилувчи оятдир. Бунга Ислом умматидан ҳеч ким хилоф қилмайди.
 Абу Жаъд аз-Зомрий розияллоҳу анҳудан ривоят қилинади:
 "Набий соллаллоҳу алайҳи васаллам:
 "Ким писанд қилмай уч жумани тарк этса, Аллоҳ унинг қалбига муҳр босади", дедилар".
 "Сунан" эгалари ва Ҳоким ривоят қилишган.
 Ториқ ибн Шиҳобдан ривоят қилинади:
 "Набий соллаллоҳу алайҳи васаллам:
 "Жамоат ила жума (ўқиш) ҳар бир мусулмонга ҳақдир, вожибдир. Илло, тўрт тоифа бундан мустасно: мамлук қул, аёл киши, ёш бола ва бемор", дедилар".
 Имом Абу Довуд ривоят қилган.
 Бу шартларни ўзида мужассам қилмаган одам жума намозини ўқиса, фарзни адо этган бўлади.
 Анас розияллоҳу анҳудан ривоят қилинади:
 "Набий соллаллоҳу алайҳи васаллам жумани қуёш оққан пайтда ўқир эдилар".
 Бешовларидан фақат Муслим ривоят қилмаган.
 Пайғамбар соллаллоҳу алайҳи васаллам жумани доимо пешин вақтида ўқиганлар.
 Ториқ ибн Шиҳоб розияллоҳу анҳудан ривоят қилинади:
 "Набий соллаллоҳу алайҳи васаллам:
 "Жамоат билан жума (ўқиш) ҳар бир мусулмонга ҳақдир, вожибдир", дедилар".
 Абу Довуд, Байҳақий ва Ҳоким ривоят қилишган.
 Абдулҳақ Али розияллоҳу анҳудан ривоят қилган ҳадисда айтилишича:
 "Расулуллоҳ соллаллоҳу алайҳи васаллам:
 "Имом хутба қилиб турганда намоз ўқиманг", деганлар.
Имом хутба қилиш учун минбарга чиққанда гапириш ҳаром бўлишига яна бир далил:
 Абу Ҳурайра розияллоҳу анҳудан ривоят қилинади:
 "Набий соллаллоҳу алайҳи васаллам:
 "Жума куни имом хутба қилаётганида ўз шеригингга "Жим тур", десанг, батаҳқиқ, беҳуда иш қилган бўласан", дедилар".
 Бешовлари ривоят қилишган.

"Кифоя" китобидан.

МАВЗУГА ОИД БОШҚА ЯНГИЛИКЛАР