Тавсия қиламиз

ДУОНИНГ МАВЗУСИ ФАҚАТ ДУНЁ НЕЪМАТЛАРИ ЭМАС

Мақолалар access_time16-май 2020, 18:28

ДУОНИНГ МАВЗУСИ ФАҚАТ ДУНЁ НЕЪМАТЛАРИ ЭМАС     Дуода дунёвий ҳаётимиз…

Илм инсоннинг даражасини кўтариши.

Мақолалар access_time23-август 2017, 13:34

Абу Юсуф Яъқуб ибн Иброҳим ал-Куфий ҳақида ҳаётий воқеа Аллоҳ субҳанаҳу…

ХАТО ТОПИШ ОСОН

Мақолалар access_time3-август 2017, 14:12

Ҳиндистонда жуда машҳур рассом бор эди. У жуда маҳоратли бўлиб, чизган суратлари…

Расулуллоҳ соллаллоҳу алайҳи ва салламнинг муборак ва гўзал исмлари

access_time20-декабр 2021, 16:52 visibility164

Муҳаммад – мақталувчи.

Аҳмад – Аллоҳга ҳамд айтувчи.

Ҳамид – Аллоҳга ҳамду сано айтувчи.

Маҳмуд – мақталган.

Аҳид – фазилатлар бобида ягона.

Воҳид – ахлоқ-одобда ягона.

Ҳошир – ўз умматларини қиёмат куни маҳшаргоҳга йиғувчи.

Оқиб – ҳамма пайғамбарлар охири.

Тоҳо – бу сўзнинг маъноси Аллоҳгагина маълум.

Ёсин – бу сўзнинг маъноси ҳам Аллоҳгагина маълум.

Тоҳир – тоза, пок.

Мутаҳҳар – дили покланган.

Таййиб – пок, хуштабиат.

Саййид – Хожа.

Расул – элчи, пайғамбар.

Набий – пайғамбар.

Расулур роҳма – раҳмат пайғамбари.

Қаййим – тўғри йўлдан борувчи.

Жомиъ – барча яхши фазилатларни ўзида мужассам этувчи.

Муқтафий – эргашувчи (ҳақ йўлга).

Муқаффий – эргаштирувчи (ўзига).

Расулул малоҳим – жангу жаҳон пайғамбари.

Расулур роҳа – роҳат пайғамбари.

Комил – етук.

Иклил – тож.

Муддассир – қўрқувдан матоҳга ўраниб олган.

Муззаммил – муддассир.

Абдуллоҳ – Аллоҳнинг бандаси.

Ҳабибуллоҳ – Аллоҳнинг суюклиси.

Сафийюллоҳ – Аллоҳнинг танлагани.

Нажийюллоҳ – Аллоҳнинг сирдош дўсти.

Калимуллоҳ – Аллоҳ билан сўзлашувчи.

Хотамул анбиё – набийлар охири, уларнинг хотимаси.

Хотамур росул  – Расуллар хотимаси.

Муқйий – динни тургизгувчи (ривожлантиргувчи).

Мунжий – халоскор.

Музаккир – эслатувчи (Аллоҳни ва охиратни).

Носир – ёрдам қилувчи.

Мансур – ёрдам берилган, душманлари устидан зафар топган.

Набийюр роҳма – раҳмат пайғамбари.

Набийют тавба – тавбага тарғиб этувчи пайғамбар.

Ҳарисун алайкум – умматларига меҳрибон.

Маълум – ҳаммага маълум.

Шаҳир – ҳаммага машҳур.

Шоҳид – гувоҳ.

Шаҳид – гувоҳ.

Машҳуд – гувоҳлик берилган.

Башир – хушхабар берувчи.

Мубашшир  – хушхабар берувчи.

Назир – азоблардан огоҳлантиргувчи.

Мунзир – охират азобларидан огоҳлантиргувчи.

Нур – нур.

Сирож – чироқ, қуёш.

Мисбоҳ – чироқ.

Ҳудо – ҳидоят қилгувчи.

Мухтор – танлаб олинган.

Ажир – динга хизмат қилгувчи.

Жаббор – айбларни ёпгувчи.

Абул Қосим – Қосимнинг отаси.

Абут Тоҳир – Тоҳирнинг отаси.

Абут Тоййиб – Таййибнинг отаси.

Абу Иброҳим – Иброҳимнинг отаси.

Мушаффаъ – шафоат ҳуқуқи берилган.

Шафиъ – шафоат этувчи (қиёмат куни гуноҳкор умматларнинг кечирилишини Аллоҳдан сўровчи).

Солиҳ – яхши ишларни қилувчи, Аллоҳнинг буйруқларини адо этувчи.

Муслиҳ – ислоҳ этувчи, тузатувчи (ўртани).

Муҳаймин – умматлари ишини кузатиб турувчи.

Содиқ – ростгўй.

Мусаддиқ – тасдиқ этувчи.

Сидқ – ростгўй.

Саййидул мурсалин – пайғамбарлар ҳожаси.

Имомул муттақин – тақводорлар пешвоси.

Қоидул ғуррил – муҳажжалин – қиёмат куни сажда қилган аъзоларидан нурлар чиқиб турувчи ибодатли умматларини жаннатга элтувчи.

Халилур Раҳмон – Раҳмоннинг дўсти.

Барр – хайрли, солиҳ амаллар қилувчи.

Мабарр – ҳамма яхшиликлар манбаи.

Важиҳ – гўзал юзли.

Насиҳ – насиҳатгўй.

Носиҳ – насиҳатчи.

Вакил – вакил, ишонч эгаси, кафил.

Мутаваккил – таваккал этувчи.

Кафил – кафил, кафолатига олувчи.

Шафиқ – шафқатли, меҳрибон.

Муқимус сунна – суннатни тикловчи.

Муқаддас – улуғланувчи, гуноҳлардан пок.

Руҳул Қудус – муқаддас руҳ.

Руҳул Ҳақ – ҳаққоний руҳ.

Руҳул Қист – адолатли руҳ.

Кофий – кифоя қилувчи (диний эҳтиёжларга).

Муктафий – кифояланувчи (Аллоҳнинг амрлари билан).

Болиғ – олий даражаларга етган.

Мубаллиғ – Аллоҳ томонидан келган барча диний аҳкомларни умматларига тўла етказувчи.

Шофий – шифокор (қалб касалликларига ва маънавий иллатларга нисбатан).

Восил – етишувчи (Аллоҳнинг розилиги ва дийдорига).

Мавсул – етишилувчи (яъни он ҳазратнинг шафоатларига ва дийдорларига умматлари етишурлар, иншооллоҳ).

 Собиқ – барча фазилат ва шарафда олдинда борувчи.

 Соиқ – умматларини бу дунёда имон ва амал сари, охиратда эса, дўзахдан жаннат сари бошловчи.

 Ҳодий – тўғри йўдга бошловчи.

 Муҳдий – ҳадия, эҳсон соҳиби.

 

Толибжон НИЗОМ

МАВЗУГА ОИД БОШҚА ЯНГИЛИКЛАР