Тавсия қиламиз

ҲАҚИҚИЙ САБР

Мақолалар access_time18-июль 2017, 14:07

 Ҳазрати Анас ҳикоя қилади:  "Пайғамбар соллаллоҳу алайҳи…

АГАР МЕН ЯХШИЛИК ҚИЛСАМ...

Мақолалар access_time25-декабр 2019, 13:27

Урва розияллоҳу анҳудан: “Абу Бакр Сиддиқ розияллоҳу анҳу халифа этиб…

ОДАМЛАРНИНГ НАСАБИГА ТИЛ ТЕККИЗИШ

Мақолалар access_time28-сентябр 2017, 14:23

Абу Ҳурайрадан ривоят қилинади:  "Набий соллаллоҳу алайҳи васаллам:…

Дарахт шохи Набий соллаллоҳу алайҳи ва салламнинг олдиларига келди ва сўнг яна қайтиб кетди

access_time13-январ, 09:44 visibility347

15-мўъжиза

Расулуллоҳ соллаллоҳу алайҳи ва саллам қавмларидан етган озор, ғам, ташвишлардан сиқилиб Макка тоғларига чиқиб кетдилар ва: “Эй Раббим! Кўнглим ором оладиган ва мендан бу қайғуни кетказадиган нарсани кўрсатгин”, деб илтижо қилдилар.

Аллоҳ таоло: “Бу дарахт шохларидан ҳоҳлаганингни чақир”, деб ваҳий қилди. Расулуллоҳ соллаллоҳу алайҳи ва саллам бир шохни чақирдилар. Шох жойидан ажраб, ерни ариқча қилиб у зот соллаллоҳу алайҳи ва салламнинг олдиларига келди. Унга: “Жойингга қайтиб бор!” дедилар.

Бундан Расулуллоҳ соллаллоҳу алайҳи ва саллам­нинг нафслари ором олди ва Аллоҳга ҳамд айтдилар.
Мушриклар: “Эй Муҳаммад! Ота-­боболаринг адашган кимсалар бўлганми?!” дедилар. Аллоҳ таоло: “Эй Муҳаммад! Мушрикларга айтинг: «Ҳали сизлар мени Аллоҳдан ўзгага ибодат қилишга буюряпсизми, эй нодонлар!” (Зумар, 64).

Бошқа ривоятда бундай келтирилади:
Расулуллоҳ соллаллоҳу алайҳи ва саллам мушрикларнинг азиятларидан хафа бўлиб: “Аллоҳим, менга бугун бир оят-­аломат кўрсатгин! Бундан сўнг мени ёлғончи деган кимсаларга парво қилмайман”, дедилар.

Аллоҳ таолодан буйруқ бўлди ва Расулуллоҳ соллаллоҳу алайҳи ва саллам Мадина тарафда турган бир шохни чақирдилар. Шох ерни ариқча қилиб у зот соллаллоҳу алайҳи ва салламнинг олдиларига етиб келди. Унга:
“Жойингга қайтиб бор!” дедилар, у қайтиб жойига борди.

Расулуллоҳ соллаллоҳу алайҳи ва саллам: “Бундан сўнг мени ёлғончига чиқарган қавмимга парво қилмайман”, дедилар”.

МАВЗУГА ОИД БОШҚА ЯНГИЛИКЛАР