Тавсия қиламиз

ЖУМА КУНИНИНГ СИРЛАРИ

Мақолалар access_time17-ноябрь 2017, 14:02

Жума кунининг бошқа кунлардан афзаллик жиҳатлари жуда кўп. Улардан бири…

Ҳар бир ишнинг, ҳар бир нарсанинг албатта савол-жавоби бўлади

Мақолалар access_time7-октябрь 2017, 13:00

Инсон умрини яшаб бўлиб, ҳаётининг поёнига келганда кўп нарсадан армон қилади,…

«ЭНГ ЯХШИ МАҚОЛА» ТАНЛОВИНИНГ ҒОЛИБИ ТАҚДИРЛАНДИ

Янгиликлар access_time10-март 2017, 17:52

2017 йилнинг 2 январ душанба куни Тошкент шаҳар «Мирза Юсуф» (Бодомзор)…

Ёшроқ эркак вафот этса, кeлинни гўдаклари...

access_time11-июль 2017, 11:12 visibility727

Ёшроқ эркак вафот этса, кeлинни гўдаклари билан отасиникига ҳайдаб юбориш.

Минг афсуслар бўлсинки, бундай хунук ҳолатлар ҳам кўп учрайди. Оила бошлиғи вафот этди, энди унинг ҳовлисига ака-укалари кўз тика бошлагани, акадан қолган уйни талашиб, жанжал қилгани оқибатида келин вояга етмаган болаларини, аслида маййитнинг меросхўрларини, меросга энг ҳақли инсонларни олиб, от ҳовлига қайтиб кетишга мажбур бўляпти.  
Ҳолбуки, маййитдан қолган мол-мулк дарҳол фароиз илмига кўра, мерос илмига кўра меросхўрлар ўртасида тақсим қилиниши керак. Бу қонунни ўзича тасарруф қилишга ҳеч кимнинг ҳаққи йўқ. Нега менга кам, бунга кўп дейиш ёки ҳатто менга керак эмас дейиш Аллоҳ таолонинг ҳукмига норози бўлиш, У Зотнинг ғазабини келтириш бўлади. Масалан, қизлар ўғилга тегадиган улушнинг ярмини олади. Аслида бунда катта адолат бор. Зеро, Исломда қиз боланинг нафақаси шундоқ ҳам бир эркакнинг зиммасига юклатилган бўлади. Қиз бола ҳали туғилмасидан унинг нафақаси ҳал қилиб қўйилган бўлади. Аёл кишининг нафақаси аввал отаси, отаси бўлмаса ака-укалари ёки амаки-тоғаларининг зиммасида бўлади, никоҳдан сўнг эса эрининг зиммасига юклатилади. Аммо шунда ҳам ўғил болага тегадиган улушнинг ярми миқдорида қизларга ҳам мерос ажратилиши айни ҳикмат, олий ҳимматдир, бугунги куннинг ибораси билан айтганда социал адолатдир.  
Илмсизлик, жоҳиллик қилиб, етимларни, ҳақдор ворисларни ҳалол улушидан маҳрум қилаётганлар бу дунёда бахтиқаро бўлмаслиги мумкин, аммо охиратда бунинг ҳисоб-китоби ниҳоятда оғир бўлади, Аллоҳ асрасин. Аммо Аллоҳ таоло одатда бундай гуноҳи кабиранинг жазосини охиратгача куттириб қўймайди, шу дунёнинг ўзидаёқ бериб бошлайди. 

Устоз Саййид Раҳматуллоҳ Термизий ҳафизаҳуллоҳ
@mehrobuz

МАВЗУГА ОИД БОШҚА ЯНГИЛИКЛАР