Тавсия қиламиз

УЧ УЗУМ ДОНАСИ

Мақолалар access_time1-январ 2018, 16:20

Истанбулнинг Тўпқопи маҳалласида Акариечи (Таккечи) Иброҳим Оға жомеи деб…

АГАР...

Мақолалар access_time11-ноябрь 2017, 09:47

АГАР... Дин ва дунёнинг зийнати адаб билан ҳосил бўлади. Адаб саййид ал-мурсалин…

МУБОРАК КЎЗ ЁШЛАР ЁХУД “НЕГА ЙИҒЛАДИНГИЗ, Ё РАСУЛАЛЛОҲ!”

Мақолалар access_time3-июль 2017, 15:00

ОИША ОНАМИЗ СЎЗЛАБ БЕРГАН ВОҚЕА Ато (розияллоҳу анҳу)дан ривоят қилинади:…

ҚУРЪОННИНГ УЧДАН БИРИГА ТЕНГ СУРА

access_time5-август 2017, 12:28 visibility2486

 Ривоят қилинишича, Расулуллоҳ соллаллоҳу алайҳи васаллам кунларнинг бирида:
 - (Бир жойга) йиғилинг. Сизларга Қуръоннинг учдан бирини ўқиб бераман, - дедилар.
 Шунда йиғилган йиғилди. Набий соллаллоҳу алайҳи васаллам "Ихлос" сурасини ўқидилар. Кейин (ҳужраларига) кириб кетдилар. Айрим одамлар бир-бирига:
 - Мен бу хабар у зотга осмондан келган, деб биламан. Шунинг учун (ичкарига) кириб кетдилар, - дейишди.
 Шундан сўнг Пайғамбар алайҳиссалом чиқиб:
 - Мен сизларга Қуръоннинг учдан бирини ўқиб бераман, дедим-ку. Шуни билинглар, ("Ихлос" сураси) Қуръоннинг учдан бирига тенг, - дедилар.
 Абу Дардо розияллоҳу анҳу ривоят қилади: Набий соллаллоҳу алайҳи васаллам:
 - Орангизда бирон киши кечаси Қуръоннинг учдан бирини ўқишга қодир эмасми? - дедилар. Одамлар сўрашди:
 - Қандай қилиб Қуръоннинг учдан бирини ўқий олади?
 - "Ихлос" сураси Қуръоннинг учдан бирига тенг, - таъкидладилар у зот.
 "Ихлос" сурасини бир марта ўқиган одам Қуръоннинг ўн порасини ўқиш савобини олади. Бир пора - 10 вараққа (20 бетга) тенг.
 Яна бир ҳадиси шарифда: "Аллоҳ Қуръонни уч қисмга бўлди. "Ихлос" сурасини унинг бир бўлаги қилди", дейилган.
 Абу Ғолибдан ривоят қилинади. Тонг отай деб қолганида, Ибн Умар менга қараб:
 - Эй Абу Ғолиб! Намозда Қуръоннинг учдан бирини ўқимайсанми? - деди. Мен:
 - Тонг отишига ҳеч қанча вақт қолмади. Ҳаш-паш дегунча кун ёришади. Қуръоннинг учдан бирини ўқишга қандай улгураман?! - дедим. Шунда Ибн Умар Расулуллоҳ соллаллоҳу алайҳи васаллам ""Ихлос" сураси Қуръоннинг учдан бирига тенг", деганларини айтди.

"Қуръон - қалблар шифоси" китобидан.
@mehrobuz

МАВЗУГА ОИД БОШҚА ЯНГИЛИКЛАР