Тавсия қиламиз

ИБРАТЛИ ҚИССА

Мақолалар access_time25-сентябр 2017, 13:30

Ҳикоя қилинишича, бир олим шайх шогирди билан боғ ичра сайр қилиб юришганди.…

ЁЛҒОН РИЗҚНИ КАМАЙТИРАДИ

Мақолалар access_time5-сентябр 2017, 20:37

Абу Ҳурайра розияллоҳу анҳудан ривоят қилинади: "Расулуллоҳ соллаллоҳу…

Рибо нимада?

Долзарб мавзу access_time13-апрел 2017, 16:13

  Рибони тушуниш учун, қайси нарсаларда рибо бўлиши, нималарга рибо…

ТОТУВЛИК СИРИ

access_time8-ноябрь 2017, 10:37 visibility1002

ТОТУВЛИК СИРИ

Бир шаҳарда икки қўшни яшар эди. Бирининг оиласидагилар ҳамма нарсада бир-бирларини айблар, ҳеч келишолмас, уйларидан бақир-чақир овозлари келиб турарди. Иккинчи қўшнининг уйидан эса, ҳеч қаттиқ овоз эшитилмасди. Бир куни жанжалкаш қўшнининг бекаси эрига:
– Боринг, нега уларнинг жанжаллашмаслиги сабабини билиб келинг, – деди.
Эри қўшнисининг уйига кириб, бир бурчакка беркинди, пойлай бошлади. Уй бекаси идишларни артаётган эди. 
Бирпасдан сўнг телефон жиринглаб қолди. Аёл қўлидаги кўзани стол четига қўйиб, телефонни олди. У қайтгунича эри бошқа хонадан чиқиб, бехосдан ҳалиги кўзани ерга тушириб юборди. “Энди жанжал бўлади”, деб ўйлади қўшни беркинган жойида.
Аёл келиб, афсус билан:
– Кечирасиз, хўжайин. Мен айбдорман, идишни столнинг четига қўйибман, – деди.
– Йўғ-е, нима деяпсан? – жавоб берди эр. – Мен айбдор. Доим шошиб юраман, эътиборсизман.
Кейин қўшиб қўйди:
– Ҳа, майли, синса-синар, идиш экан-ку!..
Жанжалкаш қўшни уйига келган заҳоти хотини саволга тутди:
– Ҳа, бунча қолиб кетдингиз? Нима экан?
– Нима, нима? Ҳеч нима. Уларнинг иккаласи ҳам айбдор экан. Бизда эса айбдор йўқ, ҳаммамиз доим ҳақ бўламиз...

МАВЗУГА ОИД БОШҚА ЯНГИЛИКЛАР