Тавсия қиламиз

Buyuk xulq soxibi

Мақолалар access_time27-ноябрь 2017, 10:49

Buyuk xulq soxibi Bismillahir Rohmanir Rohiym. Alhamdulillahi Robbil a’lamiyn.…

Қариндошлар ўртасидаги никоҳ риштаси

Мақолалар access_time23-апрел 2018, 09:58

Оила қуриш ислом дини тарғиб қилган инсоният наслини янада пок сақловчи,…

БУЮК ВА МУҚАДДАС ВАТАНИМИЗ – МАДҲИЯСИ

Мақолалар access_time10-декабр 2017, 18:28

1992 йил 10 декабрь «Ўзбекистон Республикасининг Давлат мадҳияси тўғрисида»ги…

Туппа-тузук яшаб турган эр-хотинни бир-бирига қайраб, эрини хотинига, хотинни эрига ёмон кўрсатиб, оиласини бузиш...

access_time29-март 2017, 16:29 visibility2643

Эри бор аёлга совчи бўлиш мутлақ ҳаромдир, гуноҳдир. Баъзилар «Бу шундоқ ҳам тушунарли-ку, ким ҳам эри бор аёлга совчи бўларди? Бошида эри бор аёлга совчи бўлиш гуноҳлигини ҳамма билади» дейиши мумкин. Лекин шундай кимсалар борки, туппа-тузук яшаб турган эр-хотинни бир-бирига қайраб, эрини хотинига, хотинни эрига ёмон кўрсатиб, оиласини бузиш мумкин. Бировнинг аёлига эришиш учун унга яхши гапиравериб, совға-саломлар беравериб, охири эридан айнитиши, эрдан ажрасанг, сенга уйланаман деб, уйланиб олаётган номардлар ҳам озмунча эмас экан.  
Пайғамбаримиз соллаллоҳу алайҳи васаллам: «Бир аёлни эрига қарши қайраб, эрига муносабатини бузган ёки қулни ўз хожасига қарши қайраган одам биздан эмас», деганлар. Бир ривоятда «Хотинни эрига қайраган одам» дейилган.  
Имом Абу Довуд ривоят қилган. 
Масалан, бир одам туппа-тузук яшаб турган оиланинг ўртасига тушиб, эр-хотиннинг орасини бузади, охири иш талоққа бориб етади, кейин у ўша аёлга уйланади. Яна ўзича «Мен зино қилмадим. Талоғини олди, иддасини ўтирди, шундан кейин мен уни никоҳимга олдим» дейишади. Тўғри, зино қилмагандир, лекин зинодан ҳам ёмон ишни қилди, оилани бузди. Пайғамбар алайҳиссалом ундай одамни «Биздан эмас» деганлар. Демак, икки кишини, айниқса, эр-хотинни бир-бирига гижгижлаган одам биздан эмас экан, яъни мусулмонлардан эмас экан. Бунинг маъноси иймондан чиқишдир. Бу зинодан ҳам оғирроқ гуноҳ бўлади. Шунинг учун биринчи навбатда эри бор аёлга совчи қўйиш мутлақо ҳаром дейилган.  
Саййид Раҳматуллоҳ Термизий
@Mehrobuz

МАВЗУГА ОИД БОШҚА ЯНГИЛИКЛАР