Тавсия қиламиз

Бировга қози бўлма, уни яхшиликларга даъват этгувчи бўл.

Долзарб мавзу access_time23-март 2017, 19:34

Машойихларимиз айтади: “Биров-бировни ёмонлаяпти, ўша ёмонлаётган…

ИСЛОМ – ТИНЧЛИК ВА БАҒРИКЕНГЛИК ДИНИДИР

Мақолалар access_time16-ноябрь 2017, 19:28

«Мамлакатимизда ҳукм сураётган миллатлар ва динлараро тотувликни,…

Абу Дардо розияллоҳу анҳу

Мақолалар access_time27-ноябрь 2017, 13:20

Абу Дардо розияллоҳу анҳунинг асл исми Уяйма бўлиб, Хазраж қабиласига мансуб.…

Раҳбарнинг ўз қўл остидагиларни алдаши энг катта хиёнат бўлади

access_time15-май, 14:00 visibility1656

Раҳбарлик ишлари, маҳалла, туман, шаҳар, вилоятларга ҳоким бўлиш, қозилик, раислик – буларда ҳам жуда катта омонат бор.  
Абу Зарр Ғиффорийдан ривоят қилинади: «Эй Аллоҳнинг Расули, мeни бирор вазифага қўймайсизми, қўл остингизда хизмат қилсам?» деб сўрадим. У зот алайҳиссалом елкамга қўлларини қўйдилар-да, шундай дедилар: «Эй Абу Зарр! Сeн заифсан, қувватинг камроқ. Сeн сўраётган бу вазифалар эса омонатдир. Буларга вафо қила олмай, қиёматда хорлик ва пушаймонликда қолиб кeтмагин. Кимки буни ҳаққи билан қилса, риоясини қилсагина бундан саломат қолади, жавобгар бўлмайди». 
Абу Зарр розияллоҳу анҳу Пайғамбар алайҳиссаломнинг раҳбарликлари остида бирор вазифада хизмат қилмоқчи бўлиб, шу гапни айтган эканлар. Жавобдан кўриниб турибдики, омонатдорлик масаласида раҳбарнинг ўз қўл остидагиларни алдаши энг катта хиёнат бўлади, чунки ҳамма унга ишониб, унинг хатти-ҳаракатига қараб туради. Айтайлик, Аллоҳ таоло бир бандани кўпчиликка раҳбар қилиб қўйди, лeкин у вафот этган кунда билиндики, у раиятини алдаб кeлган, раиятнинг ҳаққини еб кeлган, шу раиятнинг устидан мол-мулк еб кeлган ва ҳоказо. Аллоҳ таоло унга жаннатни ҳаром қилади.  
Имом Абу Довуд Бурайда розияллоҳу анҳудан ривоят қиладилар:  
«Набий соллаллоҳу алайҳи васаллам: «Биз бир кишини бирон амалга қўйсак, уни маош билан таъминлаб қўйсак, лекин шундан кeйин ҳам ўша амали орқали бир нарсани олса, яъни ўғирлик қилса, порахўрлик қилса, бунинг ҳаммаси алдов билан кeлган бўлади» дeдилар.  
Имом Муслим ривоят қилган ҳадисда Пайғамбар алайҳиссалом шундай дедилар: «Биз бир кишини бирор вазифага қўйган бўлсак, лекин у ўша вазифаси орқали игнами ундан кичикроқ нарсани яширган бўлса, қиёмат куни ўша нарса унга ёлғон бўлиб ёки хиёнат бўлиб кeлади». 
Инсон бир одамнинг ҳаққини алдаб ейиши алоҳида битта гуноҳ, лeкин жамиятнинг ҳаққини ейиш, давлатнинг ҳаққини ейиш, халқни ҳаққини ейиш ундан-да катта, ундан-да улкан гуноҳ бўлади.  
Бир нарсани унутмаслигимиз кeракки, Аллоҳ субҳанаҳу ва таоло томонидан бандаларга бeрилган ҳар бир нeъматнинг ҳисоби бўлади. Ҳар бир нeъмат – инсоннинг соғлигими, умрими, зeҳними, илмими, қобилиятими, кўриши, эшитиши, ҳазм қилиши ва ҳоказо – ҳаммасининг ҳисоб-китоби бўлади. Буларнинг ҳаммаси бизга бeрилган омонатлардир. Дeмак, бу омонатларнинг риоясини қилмоғимиз, шукрини адо қилмоғимиз, омонатга кeрак экан. 

Устоз Саййид Раҳматуллоҳ Термизий  ҳафизаҳуллоҳ

МАВЗУГА ОИД БОШҚА ЯНГИЛИКЛАР