Тавсия қиламиз

Беқиёс меҳр

Мақолалар access_time16-март, 22:30

Бу оламда онадек меҳрибон, куюнчак ва жонкуяр зот бўлмаса керак. Шунинг…

Улул азм пайғамбарларнинг бешинчилари Муҳаммад соллаллоҳу алайҳи васалламдирлар.

Мақолалар access_time21-май, 14:56

 Пайғамбаримиз соллаллоҳу алайҳи васалламнинг тарихларини, сийратларини…

ИККИ ЁКИ БИР ҚИЗ БОҚҚАН КИШИ

Мақолалар access_time17-июнь, 19:07

 Албатта, болага меҳр-муҳаббат кўрсатиш, унга нисбатан ўзини масъулиятли…

Раҳматуллоҳ қори Ҳабибуллоҳ ўғли

access_time2-март, 21:55 visibility28936

1975 йил 18 май куни Сурхондарё вилоятининг Музробот тумани зиёли оиласида таваллуд топган. Илк диний сабоқни отасидан ўрганди. Ўрта мактабни тугатгач, 1992 йилдан – 1995 йилгача Бухородаги “Мир Араб” мадрасасида таҳсил олди. Ушбу мадрасани аъло баҳолар билан битириб, қизил диплом билан ўқишни тамомлади.
1995 йилдан – 1999 йилгача Имом Бухорий номидаги Тошкент Ислом Институтида таҳсил олди. Олий маъҳадни аъло баҳолар билан битириб, қизил диплом билан ўқишни тамомлади.
1995 йилдан – 1997 йилгача талабалик йилларидаёқ Тошкент шаҳар Шайхонтоҳур туманидаги “Оқ Туникали” жоме масжидида имом хатиб вазифасида хизмат қилди.

1997 йилдан – 1999 йилгача талабалик даврида Тошкент шаҳар Юнусобод туманидаги “Мирзо Юсуф” жоме масжидида имом ноиби вазифасида фаолият олиб борди.
1999 йилдан – 2003 йил 16 июн кунигача Тошкент шаҳар Юнусобод туманидаги “Юнусобод Оқтепа” жоме масжиди имом-хатиби этиб тайинланди.

2001 йилдан – 2003 йилгача Имом Бухорий номидаги Тошкент Ислом Институтида мударрис бўлиб талабаларга дарс берди.
2003 йил Эрон Ислом Республикасида ўтказилган ХIX Халқаро Қуръони карим мусобақасида иштирок этди.

2003 йил 16 июндан – 2014 йил 29 сентябр кунигача Тошкент шаҳар Шайхонтоҳур туманидаги “Хўжа Аламбардор” жоме масжиди имом-хатиби этиб тайинланди.

2011 йил Раҳматуллоҳ Сайфуддиновнинг “Ҳалол савдо касбларнинг яхшиси” номли китоби ва жума мавъизалари жамланган 6 та СD албоми мухлислар учун катта янгилик бўлди.

2011 йил декабр ойида Ўзбекистон мусулмонлари идораси томонидан ўтказилган “Йил имоми” кўрик танлови Республика босқичининг мутлақ ғолиби бўлди.

2012 йил 24 феврал куни Тошкент шаҳар Шайхонтоҳур туманидаги “Хўжа Аламбардор” жоме масжидида Ўзбекистон мусулмонлари идораси тасарруфидаги жоме масжидлар орасида биринчилардан бўлиб ўз www.kamolon.uz интернет саҳифасига эга бўлди.

2012 йил Ўзбекистон мусулмонлари идораси томонидан энг фаол имом хатиб деб эълон қилинди.

2012 йил 17 апрел куни XXII Республика қорилар мусобақаси, 2012 йил 19 сентябр куни XXIII Республика қорилар мусобақаси, 2013 йил 18 сентябр кунлари XXIV Республика қорилар мусобақаси Тошкент шаҳар Шайхонтоҳур туманидаги “Хўжа Аламбардор” жоме масжидида бўлиб ўтди.

2012 йил 31 июл куни Ўзбекистон мусулмонлари идораси тасарруфидаги имом хатиблар орасида биринчилардан бўлиб ўз шахсий www.mehrob.uz интернет саҳифасига эга бўлди.

2012 йил Раҳматуллоҳ Сайфуддиновнинг жума мавъизалари жамланган 4 та СD албоми мухлислар учун катта янгилик бўлди.
2013 йил Раҳматуллоҳ Сайфуддиновнинг “Ҳалол касб фаровонлик омили” номли китоби нашрдан чиқди.

2013 йил Раҳматуллоҳ Сайфуддиновнинг жума мавъизалари жамланган 3 та СD албоми мухлислар учун катта янгилик бўлди.
2013 йил Раҳматуллоҳ Сайфуддиновнинг “Ибратли хонадон” номли китоби нашрдан чиқди.

2014 йил 29 сентябрдан – 2015 йил 7 ноябр кунигача Тошкент шаҳар Юнусобод туманидаги “Минор” жоме масжиди имом-хатиби этиб тайинланди.

2015 йилдан Имом Бухорий номидаги Тошкент Ислом Институтида мударрис бўлиб талабаларга дарс бериб келмоқда.
Оилали, 6 нафар фарзанди бор. Раҳматуллоҳ қори Ҳабибуллоҳ ўғли имом-хатиблик вазифасидан ташқари жамоатчилик ишларида ҳам жуда фаол иштирок этади. Шунингдек, Раҳматуллоҳ қори Ҳабибуллоҳ ўғли Оммовий ахборот воситаларидаги доимий иштироки билан ҳам алоҳида ажралиб туради. Шу даврга қадар Раҳматуллоҳ қори Ҳабибуллоҳ ўғли, илмий-ижтимоий, диний-маърифий мавзудаги 80 дан ортиқ кўрсатувга чиқиши, ахлоқий-тарбиявий мавзулардаги 55 дан ортиқ радио эшиттиришлари эфирга узатилди. Шу билан бирга вақтли матбуотдаги журналлар, газеталар ва интернет сайтларида 1000 дан ортиқ илмий-ижтимоий, диний-маърифий мавзудаги мақолалари чоп этилди.

2016 йил 28 апрелдан Тошкент шаҳар Юнусобод тумани “Мирза Юсуф” жоме масжиди имом хатиби бўлиб ишламоқда.