ЖАМОАТГА КЕЧИККАН КИШИ

Савол: Кечикиб келиб, имом қироат қилаётган вақтда намозга киришган киши сано ўқийдими?

Жавоб: Йўқ ўқимайди. «Хизонатур-ривоят»да: «Жахрий намозда имом қироат қилаётган вақтда кечикиб келган киши намозга етишса, сано ўқимайди, чунки қироатга қулоқ тутиш фарздир, агар махфий қироат қилинадиган намозда бўлса, сано ўқийди. Шунга фатво берилган», дейилган.

«Хония» ва «Хулоса» китобларида: «Агар кечикиб келиб имомга иқтидо қилган киши жаҳрий қироат қилинадиган намозда имом кироат қилаётган вақтда намозга киришса, сано айтмайди, кечиккан қисмини адо қилишга турганида сано айтади», дейилган.

"Нодир фатволар" китобидан.