Тавсия қиламиз

АЁЛЛАРГА НАСИҲАТ 

Мақолалар access_time10-феврал 2020, 10:02

     Жобир розияллоҳу анҳудан шундай ривоят қилинади: Пайғамбаримиз…

ОЧЛИК ЙИЛИ

Мақолалар access_time20-апрел 2020, 00:23

  Ўн еттинчи ҳижрий сана Ислом тарихида рамода, яъни, “очлик…

ҒИЙБАТГА ҚУЛОҚ ТУТИШНИНГ ЁМОНЛИК ВА ЗАРАРЛАРИ

Мақолалар access_time11-ноябрь 2020, 16:29

  Ғийбат қилиш ҳаром бўлгани каби унга қулоқ солиш ҳам ҳаромдир. Ғийбат…

ФИТР САДАҚАСИ

access_time15-апрел, 13:36 visibility1275

– Фитр садақаси қанақа садақадир?

– Рамазон ойидан кейин фитр ҳайити кунида бериладиган садақадир.

– Фитр садақаси бериш қандай кишиларга вожиб?

– Шариатда бой деб ҳисоб қилинадиган кишиларга вожиб бўлади.

– Қанча моли бўлган кишилар шариатда бой ҳисобланади?

– Ўз ҳожатидан ортиқ кумуш нисоб миқдорича моли бўлган киши бой ҳисоб қилинади.

– Шунча моли бўлган киши садақа олса бўладими?

– Дуруст бўлмайди, ҳаромдир. Ундай кишига берилган закот, ушур, фитр садақаси, фидя ва бошқа садақалар ҳеч қайсиси садақадан ҳисоб қилинмайди.

– Ўз ҳожатидан зиёда ўттиз сўм миқдорича моли бўлмаган кишига фитр садақаси бериш вожиб бўладими?

– Вожиб бўлмайди, лекин агар берса, савобсиз қолмайди.

– Фақир кишиларга ҳам фитр садақаси бериш вожиб, дейиш дурустми?

– Дуруст эмас. Садақа бериш вожиб, деган киши зўр гуноҳкор бўлади. Гўё шариатга хиёнат қилган ҳисобланади.

– Фитр садақасини бир киши фақат ўзи учунгина берадими ёки ўзига қарашли бошқа кишилар учун ҳам бериши вожибми?

– Ўзи учун ҳам ва ёш болалари учун ҳам бериши вожибдир.

– Хотини учун, катта ёшдаги болалари учун, моллик сабий ёш болалари учун фитр садақасини бериш вожиб бўладими?

– Вожиб бўлмайди. Aгар бой бўлсалар, уларнинг ўз гарданларига вожиб бўлади.

– Aгар бир киши хотини, катта ёшдаги болалари ва моллик сабий ёш болалари, хизматкорлари учун фитр садақасини ўзи берса, дуруст бўладими?

– Aлбатта, дуруст бўлади.

– Фитр садақасини қайси вақтда бериш вожиб бўлади?

– Рамазон ўтгандан сўнг, ҳайит куни тонг отгач, бериш вожиб бўлади.

– Қайси вақтда берса, савоблироқ бўлади?

– Фитр ҳайити куни ҳайит намози ўқилмасдан илгари бериш савоблироқдир.

– Aгар бир киши фитр садақасини ҳайит намозини ўқигунча адо қилолмаса, у киши нима қилади?

– Ҳайит намозини ўқигандан сўнг беради, бермасдан қолдирмайди.

– Ҳайит куни бўлгунча рамазон ичида фитр садақасини бериб қўйиш дуруст бўладими?

– Дуруст бўлади.

– Фитр садақаси қандай кишиларга берилади?

– Закот бериладиган фақир кишиларга.

– Ҳар бир киши учун фитр садақасининг миқдори қанча?

– Ҳар бир киши ярим соъ буғдой ёки бир соъ арпа ёки ярим сў хурмо ёки бир соъ майиз бериши вожиб бўлади.

– «Соъ» қанчага тенг келадиган ўлчовдир?

– Саккиз юз йигирма саккиз мисқол, яъни саккиз қадоқ миқдорича буғдой сиғадиган ўлчовдир.

– Ярим соъ буғдой неча мисқол бўлади?

– Уч юз олтмиш тўрт мисқол бўлади.

– Буғдой, арпа, хурмо, майиз ўрнига баҳолари баробар пул берса бўладими?

– Бўлади. Ҳатто, фақирларга фойдалироқ бўлади.

– Бир неча киши фитр садақасини тўплаб бирдан берса, дуруст бўладими?

– Дуруст бўлади, лекин шундай бўлса ҳам, ҳар киши садақасини ўз номига атаб бергани афзалдир.

"Ибодати исломия"дан.

ЎЗБЕКИСТОН МУСУЛМОНЛАРИ ИДОРАСИ ФАТВО ҲАЙЪАТИНИНГ

МИЛОДИЙ 2021 (ҲИЖРИЙ 1442) ЙИЛГИ ЗАКОТ НИСОБИ, ФИТР САДАҚАСИ ВА ФИДЯ МИҚДОРИ БЎЙИЧА ҚАРОРИ

Фитр садақисининг миқдори:

  • Буғдойдан 2 кг 10 000 (ўн минг) сўм;
  • Арпадан 4 кг 14 000 (ўн тўрт минг) сўм;
  • Майиздан 2 кг 80 000 (саксон минг) сўм;
  • Хурмодан 4 кг 140 000 (бир юз қирқ минг) сўм деб белгиланди.

 

МАВЗУГА ОИД БОШҚА ЯНГИЛИКЛАР